خلنا  نتعرف على أشهر أسباب البشرة الدهنية  :  

‍

1/ الجينات

بكل صراحة البشرة الدهنية تنتقل عن طريق الجينات الوراثية  للأهل وهنا نجي لسؤال مهم جدا ايش نوع بشرة ماما وبابا ؟

بعد ما اكتشفت أن السبب الأول للبشرة الدهنية هي الجينات الوراثية لا تنزعجين لأنه بغض النظر عن الأسباب دائما في حل  

‍

2/ مكاننا وموقعنا

فعلا ترى المكان اللي نعيش فيه يؤثر تأثيركبيرعلى بشرتنا .

كلنا نعرف أن المملكة العربية السعودية مناخها حار ورطب وهذه العوامل سبب في زيادة مشاكل البشرة الدهنية  

أكيد ما يحتاج تنقلي مكان ثاني بسبب بشرتك الدهنية ، لأن في طرق كثيرة تساعدك تعتني ببشرتك الدهنية  في الجو الحار  

‍

3/ منتجات العناية بالبشرة

طبعا لازم تكون منتجات العناية موجودة في هذه القائمة لكن هنا نقصد المنتجات اللي ما تناسب بشرتك الدهنية  

مثلا كريمات الترطيب، بما أن بشرتك دهنية ما ينفع تستخدمين مرطب كثيف يعني فيه مكونات كثيرة تخلي بشرتك دهنية أكثر  

ممكن تستخدمين مرطب خفيف ويكون مخصص للبشرة الدهنية  

وهذا السبب يوصلنا لسببنا التالي  اللي يخلي البشرة الدهنية تعاني …

‍

4/ قلة الترطيب

عارفة تفكيرك بس بصراحة الترطيب خطوة مهمة لبشرتك  

تعرفين أن المرطب اللي فيه ساليسيليك وتركيبته خفيفة ويكون مناسب للبشرة الحساسة لازم يكون أساسي في روتين عنايتك اليومية  

لأنك إذا ما حافظتي على ترطيب بشرتك بتزيد الطبقة الدهنية عليها وهذا الشيء اللي ما نحتاجه ونحاول نبعد عنه .

‍

5/ المكياج الكثيف  

تقدرين تحطين مكياج قد ماتبغين لأن هنا ما نتكلم عن كمية المكياج ولكن نتكلم عن مكونات بعض أنواع المكياج اللي تكون كثيفة وثقيلة جدا على بشرتك لدرجة انها تقفل مسامها خصوصا كريمات الأساس وخافي العيوب اللي فيها سيليكون وزيوت تسبب حساسية وهذه المكونات نهائيا ما تناسب البشرة الدهنية ، ممكن عشان تسيطرين على الموضوع تستخدمين كريم أساس وخافي عيوب ما فيه هذه المكونات الشريرة .

‍

6/ العمر

أنت في عمر الشباب وهذه أحسن وأمتع سنوات في حياتك لكن !!!

في هذه الفترة البشرة تتأثر بسرعة من كل شيء تقريبا وهذا ممكن يحولها لبشرة دهنية ، لا تنسين أنت في هذا العمر بشرتك فيها  كولاجين كثييرر والغدد الدهنية اللي عندك باقي شباب وصغيرة وهذه ميزة رهيبة تخليك تقدرين تسيطرين عليها قبل ما تكبرين .

ببساطة استمتعِ بشبابك حتى إذا كانت بشرتك دهنية ، بغض النظر عن السبب.

طبعا  في طرق كثيرة نتعامل فيها مع هذه المشكلة وأحسن طريقة لهذه البشرة نختار روتين يساعد على توازن الإفرازات الدهنية عليها ، بعد فترة من الانتظام على هذا الروتين بتحسين أنك (مسيطرة)

في النهاية والختام لازم تعرفين أنتِ جميلة ببشرة دهنية أو بدونها 💓.  

‍