من جد بشرتك عادية ؟

تعرفي يعني أيش بشرة عادية ؟  يعني أنتِ أكثر وحدة محضوضة بالحياة   يعني نسبة  قليلة جدا  تكون بشرتك جافة أو دهنية   يعني أنتِ من أصحاب البشرة المميزة  الصراحة يا حظك

بما ان بشرتك طبيعية سهل جدا تحافظي عليها بس نصيحة مني لازم تحطي لك نظام عناية بسيط عشان تتجنبي اي مشاكل في المستقبل .

تذكري أن هذا النظام يقلل من الأعراض لكن لا يعالج

‍

ما هي البشرة العادية ؟

قبل ما نبدأ لازم نشرح عن نوع البشرة المحضوضة .

نوع البشرة العادية مافيها اي شروط واضحة يعني : لا دهنية ولا شديدة الجفاف ،وفي أغلب الأوقات تكون متوازنة بين الرطوبة والدهون .

هذه البشرة تتأثر بالعوامل الوراثية ، وممكن تتغير لعدة أسباب مختلفة مثل : الإجهاد والتعب والتغيرات الهرمونية أو الظروف الجوية القاسية أو قلة النظافة .

إذا كانت بشرتك عادية (ياحظك ) استخدمي نظام العناية البسيط جدا التالي

‍

نظام البشرة العادية

هذا النظام يحافظ على بشرتك العادية ويخليها صافية ومنتعشة يوميا .

نظام الصباح للعناية بالبشرة

هذا النظام الصباحي يحتاج منك دقيقتين فقط لأنه من ثلاثة خطوات بسيطة .

‍

الخطوة الأولى : التنظيف

حتى إذا ما كانت بشرتك دهنية ،بتحسي دائما ان بشرتك عليها اوساخ وإفرازات دهنية و جلد ناشف وبقايا مواد تجميل (مكياج ) لازم تنظفي بشرتك عشان لا تنسد مسامك ويطلع لك حب شباب ورؤس سوداء

منظف منقي عادي مافيه اي مكونات قوية مليان بالمستخلصات الطبيعية يكفي عشان ينظف بشرتك وينعمها .

‍

الخطوة الثانية : الترطيب

حتى إذا ما كانت بشرتك جافة بشكل كبير لازم تحافظي على ترطيبها باستخدام كريم للوجه .

تقدري تحطي طبقة بسيطة من كريم الترطيب على وجهك ورقبتك عشان تصير بشرتك صحية ومشرقة .

‍

الخطوة الثالثة : واقي الشمس 

بغض النظر عن صحة بشرتك أنت محتاجة تتجنبي أضرار أشعة الشمس .ممكن تحطي واقي شمس !

‍

النظام الليلي للعناية بالبشرة

بعد يوم طويل مليء بفعاليات الأهل والأصدقاء ايش رأيك بخطوات بسيطة تسعدِ بشرتك

‍

الخطوة الأولى : التنظيف

أكيد نغسل وجهنا مرة ثانية !بعد يوم طويل بتنصدمِ من كمية الأوساخ والشوائب الموجودة على بشرتك اللي ممكن تقفل المسام وتسبب مشاكل ثانية اغسليهم وابعديهم

كل اللي تحتاجيه نفس الغسول المنظف المنقي

‍

الخطوة الثانية : قناع الوجه (اذا تبغي )

اذاعندك وقت حتى لو بسيط اسعدي بشرتك بقناع خفيف لطيف

هذه الخطوة تنظف وتشيل الاوساخ والسموم من بشرتك وتحسسك بالهدوء والاسترخاء خصوصا اذا كانت قبل وقت النوم .

قناع الوجه بالصبار يغذي ويهدي بشرتك لنهاية يوم لطيف وكله فوائد .

‍

البشرة العادية تحتاج عناية بكل حب

عندك نوع بشرة يتمناه الجميع بس هذا ما يمنع انك تعطيها العناية اللي تستحقها .

نظام العناية الصباحي والمسائي البسيط جدا بيساعدك تحافظي على بشرتك من ظهور اي مشاكل عليها في المستقبل .

وكذا يسير عندك بشرة صحية !